काठमाडौँ। हिजो र आज राष्ट्रपति विद्यादेवी भण्डारीको व्यस्तता निकै बढेको छ ।

हिजो गृहमन्त्री रामबहादुर थापालाई नियुक्ति गरेकी राष्ट्रपति भण्डारीले बिहानै संसदको हिउँदे अधिवेशन अन्त्य गरेकी छिन्।

यसैबीच, आजै अधिवेशनपश्चात् .राष्ट्रपति भण्डारीले डा कुमार चुडाल र नहकुल सुवेदीलाई सर्वोच्च अदालतका न्यायाधीशमा नियुक्त गरेसँगै उनको व्यस्तता बढेको हो।

राष्ट्रपति भण्डारीले नेपालको संविधानको धारा १२९ को २ बमोजिम न्याय परिषद्का सिफारिशमा उनीहरुलाई नियुक्त गरेको राष्ट्रपतिको कार्यालयका प्रवक्ता रुपनारायण भट्टराईले जारी गरेको विज्ञप्तिमा जनाइएको छ ।

चुडाल हाल उच्च अदालत, पाटन र सुवेदी उच्च अदालत, सुर्खेतमा मुख्य न्यायाशीश रहेका छन् ।

उनीहरुलाई संसदीय सुनुवाइ विशेष समितिले केही दिनअघि अनुमोदन गरेको थियो ।