काठमाडौं । पछिल्लो समय भारतमा कोरोना संक्रमितको संख्या र कोरोनाका कारण मृत्यु हुनेको संख्याले नयाँ रेकर्ड बनाउँदै गएको छ ।

पछिल्लो समय कोरोनाको हटस्पट बनेको भारतमा कोरोना संक्रमित डेढ करोड नाघेका छन् भने एकदिनमा १ हजार ६ सय २५ जनाले ज्यान गुमाएका छन् ।

भारतमा पछिल्लो २४ घन्टामा २ लाख ७५ हजार ३ सय ६ जना थप संक्रमित थपिएसँगै हालसम्म कोरोनाबाट संक्रमित हुनेको संख्या १ करोड ५० लाख ५७ हजार ७ सय ६७ पुगेको छ ।

त्यस्तै हालसम्म भारतमा कोरोनाबाट ज्यान गुमाउनेको संख्या १ लाख ७८ हजार ७ सय ९३ पुगेको छ ।

भारतमा कोरोनामुक्त हुनेको संख्या १ करोड २९ लाख ४८ हजार ८ सय ४८ पुगेका छन् ।