Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । बागमती प्रदेशका मुख्यमन्त्री डोरमणि पौडेलले सर्वदलीय बैठक बोलाएका छन् ।
बैठक सोमबार विहान ललितपुरको जावलाखेलमा बस्ने मुख्यमन्त्री पौडेलको स्वकीय सचिव अनुप पौडेलले जानकारी दिए । बागमती प्रदेशको राजधानी हेटौंडा भएपनि सर्वदलिय बैठक भने ललितपुरमा बस्न लागेको हो ।
बैठकमा पछिल्लो समय बागमती प्रदेशमा दैनिक ३ सयभन्दा बढी कोरोनाका नयाँ संक्रमितहरु थपिदै गएको विषयमा छलफल हुने बताइएको छ ।
प्रदेशको सर्वदलिय बैठकले केन्द्रीय सरकारलाई सतर्कताका उपाय अपनाउने दबाव दिने पनि बताइएको छ ।
त्यसैगरी बैठकमा प्रतिपक्षी माओवादी केन्द्रको अवरोधले स्थगित हुँदै आएको प्रदेशसभा बैठक सञ्चालन, आगामी वर्षको नीति तथा कार्यक्रम, कोरोना संक्रमण नियन्त्रणलगायतका विषयमा छलफल हुने पौडेलले जानकारी दिए ।
प्रतिपक्षी सांसदहरुले मदन भण्डारी फाउन्डेसन र विद्युतीय बस खरिद प्रक्रियाका लागि प्रदेशसभा सरकारले उपलब्ध गराउन लागेको ५० लाख रुपैयाँ रोक्न माग गर्दै आएका छन् ।
सो मागमा माओवादी केन्द्रसहित कांग्रेस र विवेकशील पार्टीले समर्थन जनाएका छन् ।
© 2026 All right reserved to onlinenepal.com
Design & Developed By
