काठमाडौं। पूर्वराजा ज्ञानेन्द्र शाह आज नेपाल फर्किँदैछन् ।

करिब १० दिन लामो भारत भ्रमणमा रहेका पूर्वराजा नेपाल फर्किएसँगै उनको स्वागतमा मोटरसाइकल र्‍यालीदेखि हेलिकप्टरबाट पुष्पवृष्टिसम्म गरिने भएको छ।

भारतमा रहँदा राजाकै रूपमा ठूलो सम्मान पाएका पुर्वराजाको काठमाडौं विमानस्थलमा भव्य स्वागतसहित मोटरसाइकल र्‍यालीले विमानस्थलदेखि निर्मल निवाससम्म स्कर्टिङ गरिने वीर गोर्खाली अभियानले बताएको छ।

पछिल्लो समय राजसंस्थाको माग गर्दै देशव्यापी मोटरसाइकल र्‍याली गरेको गोर्खाली अभियानले राष्ट्रिय झण्डासहित विमानस्थलमा उपस्थित हुन पनि सबैमा आव्हान गरेको छ।

वीर गोर्खाली अभियन्ता श्यामकृष्ण श्रेष्ठले पुर्वराजाको स्वदेश फिर्ती सवारीमा मोटरसाइकल र्‍यालीसहित स्वागतको निमित्त हेलिकप्टरद्वारा पुष्पवृष्टि समेत गरिने बताए।

पूर्वराजा ज्ञानेन्द्रलाई हरिद्वारमा आयोजित महाकुम्भ मेलामा भारतीय साधुसन्तको तर्फबाट सोमबार हिन्दू सम्राटको उपाधिसहित अभिनन्दन र अभिषेक गरिएको थियो।