काठमाडौं । नेपालमा कोरोना संक्रमितको संख्या दिनदिनै बढ्दै गएको छ । पछिल्लो २४ घण्टामा ८ सय ४३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभर ५ हजार ३ सय ३३ जनाको पीसीआर परीक्षणबाट ७ सय ६८ जना र ६ सय ७१ एन्टिजेन परीक्षणमा ७५ जनामा संक्रमण पुष्टि भएको हो

मन्त्रालयका अनुसार पछिल्लो २४ घण्टामा थप ५ जना संक्रमितको मृत्यु भएको छ । यो सँगै नेपालमा कोरोनाका कारण मृत्यु हुनेको संख्या ३ हजार ७५ पुगेको छ ।

पछिल्लो २४ घण्टामा २ सय २६ जना कोरोना भाइरस संक्रमणमुक्त भएका छन् ।

आजको तथ्यांकसँगै नेपालमा कोरोना संक्रमितको संख्या २ लाख ८३ हजार ६ सय ५८ पुगेको छ भने निको हुनेको संख्या २ लाख ७५ हजार ३८ पुगेको छ ।