काठमाडौं । कोरोना भाइरस संक्रमण बढ्न थालेपछि भारतको राजधानी नयाँ दिल्लीमा कर्फ्यू घोषणा भएको छ ।

दिल्ली सरकारका मुख्यमन्त्री अरविन्द केजरीवालले शुक्रवारदेखि सोमवारसम्म कफ्र्यु घोषणा गरेका हुन । कर्फ्यू शुक्रवार रााति १० बजेबाट लागु हुने बताइएको छ ।

बिहीबार एक प्रेस सम्मेलनमा उनले भने, ‘दिल्लीमा कोरोनाको चौथो छाल एकदम गम्भीर देखिन्छ र हामीले केही कठोर निर्णय लिनुपर्दछ भन्ने कुरालाई ध्यानमा राख्दै मुद्दा लगातार बढ्दैछ।’

मुख्यमन्त्री केजरीवालले कोभिड विरुद्ध लड्न लकडाउन सबैभन्दा उपयुक्त विकल्प रहेको बताए ।

नयाँ भेरियन्टको कोरोना भाइरस संक्रमण नियन्त्रणबाहिर गएको उनले जनाएका छन् ।

भारतमा कोरोना भाइरसको संक्रमण डरलाग्दो स्थितिमा पुगेको छ । संक्रमितको संख्यामा बुधबार नयाँ रेकर्ड बनेको थियो ।

बुधबार भारतमा एकैदिन झन्डै २ लाख मानिसमा कोरोनाको संक्रमण पुष्टि भएको थियो ।