विरगन्ज । कोरोना भाइरसको संक्रमणबाट पर्साको विरगन्जमा आज बिहान एक महिलाको मृत्यु भएको छ ।

वीरगञ्ज महानगरपालिका–२ की ४२ वर्षीया महिलाको कोरोनाबाट मृत्यु भएको नारायणी अस्पतालका कोभिड–१९ संयोजक डा सरोज रोशन दासले जानकारी दिए । ती महिलाको उपचारकै क्रममा मृत्यु भएको हो ।

गत वर्ष चैत २९ गते उपचारका लागि अस्पतालमा भर्ना भएकी ती महिलाको सोही दिन पीसीआर परीक्षण गर्दा संक्रमण देखिएको थियो ।

यस्तै चैत ३१ गते अस्पतालमा बारा जितपुर सिमरा उप–महानगरपालिकाका एक युवक र वीरगञ्ज महानगरपालिका–३ का एक संक्रमितको पनि उपचारको क्रममा ज्यान गएको थियो ।