एजेन्सी। चीनले अहिलेसम्मकै सबैभन्दा धेरै ताइवानको आकासमा एकैपटक २५ वटा युद्ध विमान पठाएको छ ।

सोमबार ताइवानको रक्षा मन्त्रालयले लडाकु र परमाणु-सक्षम बमवर्षक सहित २५ वटा चिनियाँ विमान आफ्नो ‘वायु’ रक्षा पहिचान क्षेत्रुमा प्रवेश गरेको जनाएको छ ।

तर ताइवानले निगरानी तथा प्रतिरक्षाका लागि लडाकु विमान तैनाथ गरेको जनाएको छ ।

ताइवानलाई आफ्नो हिस्सा मान्दैआएको चीन सरकारले यसअघि पनि ताइवानको आकासमा यसै गरी पटक पटक युद्ध विमान पठाउने गरेको थियो ।

ताइवानको दक्षिणी भाग र दक्षिण चीन सागरकोबीचको अन्तर्राष्ट्रिय जल क्षेत्रलाई लिएर चीन र अमेरिकाबीच पछिल्लो समय चर्को विवाद हुँदैआएको छ । (एजेन्सीको सहयोगमा)