बाँके। जिल्ला प्रहरी कार्यालय बाँकेले आफ्नै श्रीमतीको हत्या गरेको अभियोगमा श्रीमानलाई पक्राउ गरेको छ। 

पक्राउ पर्नेमा बैजनाथ गाउँपालिका-३ उत्तरलधौरा बस्ने ४२ वर्षीय चक्रबहादुर बुढा रहेका छन्। 

बुढालाई आफ्नै ३२ वर्षीया श्रीमती लक्ष्मी बिसीको कुटपिट गरी हत्या गरेको अभियोगमा सोमबार साँझ पक्राउ गरेको प्रहरीले जनाएको छ।  

चक्र बहादुरले घरायसी विवाद कारण लक्ष्मीलाई कुटपिट गर्दा गम्भीर घाइते भएकी उनको मेडिकल कलेज कोहलपुरमा उपचारको क्रममा मृत्यु भएको हो । 

ईलाका प्रहरी कार्यालय कोहलपुरबाट खटिएको प्रहरीले कुटपिटमा संलग्न बुढालाई पक्राउ गरेर थप अनुसन्धान गरिरहेको जनाएको छ ।