काठमाडौं। नेपाल प्रहरीको साइवर ब्युरोले कलाकारको फेसबुक ह्याक गरेर रकम मागेको अभियोगमा एक बालकलाई पक्राउ गरेको छ।

पक्राउ पर्नेमा पर्सा बहुदरमाई नगरपालिका वडा नम्बर ५ बस्ने १४ वर्षीय बालक रहेका छन् ।

ब्युरोको टोलीले पर्सा प्रहरीको सहयोगमा बालकलाई पक्राउ गरेको ब्युरोका एसएसपी नविन्द अर्यालले जानकारी दिए ।

एसएसपी अर्याल अभियुक्त नाबालक हुन्, उनले विभिन्न लिङ्कबाट ह्याक गरेको देखियो, थप अनुसन्धान भइरहेको छ।

गत चैत १२ गते कलाकारहरु दिपाश्री निरौला र सरोज खनालले आफ्नो फेसबुक ह्याक भएको भन्दै ब्युरोमा निवेदन दिएका थिए ।

अभियुक्त बालकले कलाकारहरुको फेसबुक ह्याक गरेर एकाउन्टबाट मेसेज गर्दै पैसा मागेका थिए।

यस बिषयमा थप अनुसन्धान भइरहेको एसएसपी अर्यालले बताए।