एजेन्सी। वासिङ्टनमा अमेरिकी क्यापिटल भवन (युएस- संसद भवन) परिसरमा भएको आक्रमणमा एक प्रहरी अधिकारीको मृत्यु भएको छ भने अर्को अधिकारी घाइते छन् । उनको अस्पतालमा उपचार भइरहेको छ।

प्रहरी अधिकारीका अनुसार कारले सुरक्षा ब्यारेकेडलाई पछाडि पारेको थियो र  चालकले प्रहरीलाई चक्कुको साथ हमला गरे।

त्यसपछि, प्रहरी अधिकारीहरूले उक्त संदिग्ध व्यक्तिलाई गोली हाने र पछि उनको मृत्यु भयो।

संदिग्ध व्यक्ति २५ बर्षे थिए ।

अमेरिकामा बीबीसीको सहयोगी, सीबीएस न्यूजले आक्रमणकारीको पहिचान पुष्टि गरेको छ। अधिकारीहरूले ती व्यक्तिको कुनै प्रहरी रेकर्ड नभएको र सेनासँग कुनै सम्बन्ध नभएको वताएका छन् ।
आक्रमणमा मारिएका प्रहरी अधिकारीको पहिचान सार्वजनिक गरिएको छ।

पत्रकार सम्मेलनमा  राजधानीका प्रहरी प्रमुख योगानन्द पिटम्यानले  विलियम बिली इभानस अब हुनुहुन्न र आफु अत्यन्त दुःखी रहेको वताएका थिए ।

इभानस विगत१८ बर्षदेखि क्यापिटल प्रहरी फोर्समा सेवा गर्दै थिए।

शुक्रबार एक प्रेस सम्मेलनको क्रममा वासिङ्टन डीसीका कार्यवाहक प्रहरी प्रमुखले  यस आक्रमणले आतंकवादसँग कुनै सम्बन्ध नराखेको वताएका थिए ।

शहरको महानगरपालिका प्रहरी विभागका कार्यकारी प्रमुखले भने, ‘यो हमला कानून स्थापना गर्ने संस्थामा गरिएको छ वा अरू कसैमाथि होस्, यसकाबारे सबै कुरा पत्ता लगाउने हाम्रो जिम्मेवारी छ र हामी यो गर्नेछौं।’

क्यापिटोल भवन वरिपरि भारी सुरक्षा फोर्स तैनाथ गरिएको छ। प्रत्यक्षदर्शीका अनुसार उक्त गाडी कन्स्ट्रिट्यूशन एवेन्यूको प्रवेशद्वारमा ब्यारेकमा खडा भयो , जुन ठाउँबाट सीनेट र तिनका कर्मचारी दिनदिनै क्यापिटल भवनमा जान्छन्।

यद्यपि कांग्रेस हाउस अझै स्थगित छ, जसको कारण आज राजधानी परिसरमा धेरै राजनीतिज्ञहरू छैनन्।

राष्ट्रपति जो बिडेन एक दिनको अवसरमा क्याम्प डेभिड गएका थिए।

स्थानीय समय दिउँसो १ बजे राजधानीका पुलिसको अलर्ट प्रणालीबाट सबै नेताहरू र उनीहरूका स्टाफलाई भवनको झ्याल र ढोकाबाट टाढा जान एक ईमेल पठाइएको थियो। बाहिरका सबैलाई एक सुरक्षित ठाउँमा लुकाउन भनियो।

दृश्यबाट आउने फुटेजहरू हेलिकप्टरलाई हावामा उडिरहेको र दुई जनालाई स्ट्रेचरमा एम्बुलेन्सतर्फ लैजाँदा देख्न सकिन्छ।

त्यहाँ उपस्थित मानिसहरूलाई क्षेत्र खाली छोड्न भनिएको छ।

यसअघिको ६ जनवरीमा तत्कालीन राष्ट्रपति डोनाल्ड ट्रम्पका समर्थकहरूको भीडले क्यापिटल भवनमा प्रवेश गरेपछि त्यहाँ हंगामा मच्चिएको थियो ।