काठमाडौं। बिहीबार दिउँसो कीर्तिपुर नगरपालिका-६ टौदह नयाँ झोलुङ्गेपुल नजिक पानी जमेको खाल्डोमा पौडी खेल्ने क्रममा डुबेर २ जनाको मृत्यु भएको छ ।

मृत्यु हुनेहरुमा दक्षिणकाली नगरपालिका-१ खहरे बस्नेहरु ओखलढुङ्गा सिजिदेब गाउँपालिका-३ घर भएका ११ वर्षीय प्रशान्त सुनुवार र ओखलढुङ्गा सिद्धिचरण नगरपालिका-१ घर भएका ८ वर्षीय क्रिस मगर रहेका छन् ।

उक्त खाल्डोमा ५ जना बालकहरु पौडी खेल्ने क्रममा २ जना हराएको भन्ने खबर प्राप्त हुनासाथ महानगरीय प्रहरी वृत्त कीर्तिपुर र बिपद ब्यबस्थापनबाट खटिएको प्रहरीले खोजी गर्ने क्रममा खाल्डोमा उनीहरुको शव फेला पारेको प्रहरीले जनाएको छ।

यस सम्बन्धमा थप अनुसन्धान गरिरहेको प्रहरीले बताएको छ ।