काठमाडौँ। राष्ट्रपति विद्यादेवी भण्डारीले वामपन्थी तथा लोकतान्त्रिक आन्दोलनका नेता विष्णु बहादुर मानन्धरको निधनले दुःखी तुल्याएको बताएकी छन् ।

आज बिहान सामाजिक सञ्जालमा ट्वीट गर्दै राष्ट्रपति भण्डारीले स्वर्गीय मानन्धरको निधनले दुखी तुल्याएको बताएकी हुन्।

उनले स्वर्गीय नेता मानन्धरप्रति श्रद्धाञ्जली व्यक्त गर्दै शोक सन्तप्त परिवारमा गहिरो समवेदना प्रकट गरेकी छन् ।

उनले भनेकी छन्,’नेपालको वामपन्थी तथा लोकतान्त्रिक आन्दोलनका नेता विष्णु बहादुर मानन्धरको निधनको खबरले मलाई दुस्खी तुल्याएको छ । स्वर्गीय मानन्धरप्रति हार्दिक श्रद्धाञ्जली व्यक्त गर्दै शोक सन्तप्त परिवारमा गहिरो समवेदना प्रकट गर्दछु ।’

नेपालको वामपन्थी तथा लोकतान्त्रिक आन्दोलनका नेता विष्णुबहादुर मानन्धरको निधनको खबरले मलाई दु:खी तुल्याएको छ । स्वर्गीय मानन्धरप्रति हार्दिक श्रद्धाञ्जली व्यक्त गर्दै शोकसन्तप्त परिवारमा गहिरो समवेदना प्रकट गर्दछु ।

— Bidya Devi Bhandari (@BidyaDBhandari) March 30, 2021

मानन्धरको ९१ वर्षको उमेरमा सोमबार राति निधन भएको हो ।

विसं २००७ मा आफ्नै पिताले किसानलाई दिएको ऋणका तमसुक च्यातेर राजनीति सुरु गरेका मानन्धर २००९ सालदेखि राजनीतिमा प्रवेश गरेका थिए ।

मानन्धरको आज पशुपति आर्यघाटमा दाहसंस्कार गरिने पारिवारिक स्रोतले बताएको छ ।