एजेन्सी । विश्व नम्बर दुई टेनिस खेलाडी नाओमी ओशाकाले विजयी यात्रा जारी राखेकी छिन् ।

जापानी खेलाडी ओशाकाले मायामी ओपनमा जित निकाल्दै क्वाटरफाइनलमा स्थान बनाएकी हुन् ।

मायामी ओपन अन्तर्गत सोमबार भएको खेलमा बेल्जियमकी १६ औँ बरियताकी एलिस मर्टेन्सलाई ६–३ र ६–३ को सेटमा पराजित गरिन् । उनी पहिलो पटक मायामी ओपनको क्वाटरफाइनलमा पुगेकी हुन् ।

ओशाकाले यसअघि युएस ओपन र अस्ट्रेलियन ओपनको उपाधि जितिसकेकी छिन् ।