काठमाडौं । थारु कल्याणकारी सभा, थारुहट–थारुवान संयुक्त संघर्ष समितिले आयोजना गरेको आन्दोलनमा गृहमन्त्री रामबहादुर थापा पनि आन्दोलनकारीका साथ सडकमा निस्केका छन् ।

बुधबार माइतीघर मण्डलामा आयोजित विरोध कार्यक्रममा रेशम चौधरी र लक्ष्मण चौधरी लगायतको मुद्दा खारेजका सहभागी भएका गृहमन्त्री थापाले सडकमा बसेर सम्बोधन गरेका छन् ।

आन्दोलनकारीहरु संगै बसेर सम्बोधन गरेका गृहमन्त्री थापले आन्दोलनकारीको १९ बुँदे समस्या र माग बारेमा सरकारको ध्यानाकर्षण भएको बताए ।

गृहमन्त्री थापाले भने, ‘सरकारको तर्फबाट म यहाँ उपस्थित छु । तपाईंहरुको समस्या समाधान गर्न सरकारले अब छिट्टै वार्ता टोली गठन गर्छ । तपाईंहरुले पनि धर्ना छाडेर वार्ता टोली गठन गर्नुस् । हामी आज नै वार्ता टोली गठन गर्छौं । वार्ता र संवादबाट यसलाई हल गरौँ ।’

गृहमन्त्री थापा यसअघि सरकार र विप्लवबीच भएको वार्तामा पनि प्रमुख रहेका थिए।