काठमाडौँ। नेपाल प्रहरीको केन्द्रीय अनुसन्धान ब्युरो (सिआईबी)ले बैकिङ्ग कसूर मुद्दामा फरार रहेका एक जनालाई पक्राउ गरेको छ।

सिआईबीको टोलीले काठमाडौं जिल्ला घर भई काठमाडौँ कै गोकर्ण बस्ने ४० बर्षीय बुद्धिबहादुर तामाङलाई जोरपाटीबाट पक्राउ गरिएको सिआईबी प्रमुख डिआइजी सहकुल थापाले बताए ।

तामाङ्लाई गत फागुन १७ गते उच्च अदालत पाटनले छ दिन कैद र उन्नाईस लाख नब्बे हजार रूपैयाँ धरौटी बराबरको जरिवाना हुने फैसला सुनाएको थियो ।

डिआइजी थापाका अनुसार पक्राउ परेका तामाङ्ले २०७६-०७-२५मा कुमारी तामाङ्लाई आफ्नो खातामा पर्याप्त मौज्दात रकम नभएको भन्ने जानी जानी झुक्यानमा पारी कृषि विकास बैंक लिमिटेडमा रहेको उनको बचत खाताबाट भुक्तान हुने गरी उक्त रकम बराबरको चेक काटी पीडित जाहेरवाला तामाङ्लाई दिएको थिए ।

पक्राउ परेका तामाङ्गलाई यसअघि नै बैंकिङ् कसूर तथा सजाय ऐन बमोजिम सजाय हुने फैसला भएको सिआईबीले जनाएको छ।