डडेल्धुरा। जिल्लाको नवदुर्गा गाउँपालिका-५ ठाँटाबजारमा श्रीमतीको मृत्यु भएको खबर लिएर प्रहरी कार्यालय पुगेका श्रीमान् पक्राउ परेका छन् ।

शनिबार बेलुका २८ वर्षिय श्यामबहादुर साउद पक्राउ परेका हुन् ।

साउद आफ्नी श्रीमती २८ वर्षीया मनिषा बेहोस भएको भन्दै प्रहरी चौकीमा पुगेका थिए ।

तर, उनीहरूबीच हानाहान भएको खुल्न आएपछि हत्या गरेको हुनसक्ने भन्दै श्रीमानलाई पक्राउ गरि अनुसन्धान भईरहेको डडेल्धुराका प्रहरी नायब उपरीक्षक महेन्द्र नेपालले बताए।

मृतकको कान र टाउकोमा चोट देखिएकाले शव पोष्टमार्टमपछि थप अनुसन्धान उनले जानकारी दिए ।