एजेन्सी। बलिउड अभिनेता सलमान खान स्टारर ‘राधे’ र अर्का अभिनेता जोन अब्राहमको ‘सत्यमवे जयते २’ एकसाथ प्रदर्शनमा आउने भएका छन् ।

आगामी इदमा यी दुई चलचित्रको प्रदर्शन मिति तोकिएसँगै बक्स अफिसमा भिडन्त निश्चित भएको हो ।

‘सत्यमवे जयते २’ मा जोन तीन भूमिकामा देखिँदैछन् । हरेक साल इद बिदामा सलमानका चलचित्रले नै कब्जा जमाउने गरेका थिए ।

यस वर्ष भने जोनको चलचित्रले सलमानलाई टक्कर दिन लागेको छ ।

कोरोना भाइरसको महामारीपछि बिस्तारै खुल्न थालेको फिल्म क्षेत्रमा यी दुई फिल्मलाई महत्वका साथ हेरिएको छ।