काठमाडौं। त्रिभुवन अन्तर्राष्ट्रिय विमानस्थलको पार्किङ एरियाबाट प्रहरीले सुन जस्तो देखिने पहेँलो धातु सहित एक जना महिलालाई पक्राउ गरेको छ ।

पक्राउ पर्नेमा लमजुङ बाग्लुङपानी गाउँपालिका-१ घर भएकी ४२ वर्षीया शान्ति गौतम रहेकी छिन् ।

बुधबार दिउँसो गौतमको साथबाट करिब १ सय ग्राम बराबरको सुन जस्तो पहेलो धातुको औंठी र १ सुनको बालासहित पक्राउ गरेको हो ।

उनी दुबईबाट एअर अरेबियाको उडानद्वारा काठमाडौं आएकी थिइन् ।

यस सम्बन्धमा प्रहरीले थप अनुसन्धान गरिरहेको जनाएको छ ।