काठमाडौँ। नेपाल प्रहरीको केन्द्रीय अनुसन्धान ब्युरो (सिआईबी)ले नक्कली कागजात बनाएर ठेक्का हात पारेको आरोपमा एक जना ठेकेदारलाई पक्राउ गरेको छ ।

पक्राउ पर्नेमा ठेकेदार रवीन्द्र महर्जन रहेका छन् ।

बुधबार साँझ ललितपुरको पुल्चोकबाट महर्जनलाई पक्राउ गरी  ब्युरोको हिरासतमा राखिएको सिआईबीले जनाएको छ ।

प्रधानमन्त्री तथा मन्त्रिपरिषद्को कार्यालयको पत्रपछि सीआईबीले महर्जनलाई बुधबार साँझ पक्राउ गरेको हो । देशका विभिन्न ठाउँ भएका विभिन्न बोलपत्रमा योग्यता नपुग्दा नपुग्दा नक्कली कागजात पेस गरी उनले ठेक्का हात पारेको आरोप छ ।

पक्राउ परेका महजर्नमाथि थप अनुसन्धान भइरहेको ब्युरोका प्रवक्ता एसपी गंगा पन्तले जानकारी दिईन ।