एजेन्सी । इंग्लिस प्रिमियर लिग फुटबलमा लेस्टर सिटी विजयी भएको छ ।

आइतबार राति भएको खेलमा लेस्टरले शेफिल्ड युनाइटेडलाई ५ शुन्य गोल अन्तरले पराजित गरेको हो । लेस्टरका लागि केलिची इहिनाचोले ह्याट्रिक गोल गरे ।

केलिचीले खेलको ३९औँ, ६९औँ र ७८औँ मिनेटमा गोल गरे । यस्तै आयोजे पेरेजले पनि एउटा गोल गरे ।

शेफिल्ड युनाइटेडले आत्मघाती गोल गर्दै लेस्टर सिटीलाई एक गोल उपहार दियो । जितसँगै लेस्टरको २९ खेलबाट ५६ अङ्क भएको छ । दोस्रो स्थानमा रहेको म्यानचेस्टर युनाइटेडको २९ खेलमा ५७ अङ्क छ ।

आइतबार राति नै भएका अन्य खेलमा आर्सनलले टोटनह्याम र साउथह्याम्टनले ब्राइटनलाई समान एकका विरुद्ध दुई गोलले पराजित गरे ।