एजेन्सी । म्यानमारमा सैन्य कू विरुद्ध दैनिक भइरहेको विरोध प्रदर्शनले हिंसात्मक रुप लिएको छ ।

म्यानमारको मुख्य सहर यङ्गुनमा झडप हुँदा आइतबार २१ प्रदर्शनकारीको ज्यान गएको छ । प्रदर्शनमा अझ धेरै प्रदर्शनकारीको ज्यान गरिएको आशङ्का गरिएको छ ।

सुरक्षाफौजले प्रदर्शनकारीमाथि गोली चलाएका र प्रदर्शनकारीले पनि चक्कु तथा लाठी प्रहार गरेको बीबीसीले जनाएको छ ।

गत फेब्रुअरी एक तारिखमा प्रजातन्त्रवादी नेतृ आङ सान सुकीलगायतका नेताहरुलाई हिरासतमा लिँदै सेनाले सत्ता हातमा लिएको थियो । त्यसयता म्यानमारमा दैनिक विरोध प्रदर्शन भइरहेको छ ।

विरोध प्रदर्शनका क्रममा अहिलेसम्म १२० जनाभन्दा बढीको ज्यान गएको छ । सैन्य दमनको विश्वभरीबाट विरोध भइरहेको छ ।