काठमाडौं । प्रदेश सभा १ को बैठक अनिश्चितकालका लागि स्थगित भएको छ ।

आइतबार प्रदेश सभा सचिव गोपालप्रसाद पराजुलीले एक सूचना जारी गर्दै अर्को सूचना जारी नभएसम्मका लागि बैठक स्थगित गरिएको जानकारी दिएका हुन् ।

यसअघि एमाले र माओवादी केन्द्र मिलेर बनेको नेकपा भएको बेला केपी शर्मा ओली समूहका नेता तथा प्रदेश-१ का मुख्यमन्त्री शेरधन राईविरुद्ध फागुन ९ गते अविश्वासको प्रस्ताव प्रदेश सभा बैठकमा पेस भएको थियो ।

तर, सर्वोच्चले एमाले र माओवादी केन्द्रलाई अलग्याएसँगै अविश्वासको प्रस्ताव सेलाएको थियो।

प्रदेश सभा सदस्य इन्द्रबहादुर आङ्बोले मुख्यमन्त्री राईविरुद्ध अविश्वासको प्रस्ताव पेस गरेका हुन् ।

प्रस्ताव पेश भएसँगै बैठक २० फागुनसम्मका लागि स्थगित भएको थियो ।

२० गते पुन: बसेको बैठक आजका लागि सारिएको थियो।

एमालेमा अहिले ओली समूह, माधवकुमार नेपाल समूह र रामबहादुर थापा समूह छन् । फेरि पनि ओली र नेपाल समूहबीच रँडाको मच्चिएकाले अविस्वासको प्रस्ताव फेरि पनि व्युँतिन सक्ने देखिन्छ।