काठमाडौँ । महानगरीय प्रहरी कार्यालय रानीपोखरीले दुई डिएसपी सहित १ सय ४८ जना प्रहरीलाई कारबाही गरेको छ ।

महानगरीय प्रहहरी कार्यालय रानीपोखरीका अनुसार पछिल्लो तीन महिनामा उपत्यकामा कार्यरत २ डिएसपीसहित १ सय ४८ जना प्रहरी कारबाहीमा परेका हुन् ।

कार्यालयले शुक्रबार सार्वजनिक गरेको विवरण अनुसार कारवाहीमा पर्नेहरुमा २ जना डिएसपी, ५ जना इन्सपेक्टर, ६ सर्इ, ११ असर्इ, ३२ हवल्दार, १ जवान र १ कार्यालय सहयोगी रहेका छन् ।

त्यस्तै, तीन महिनाको अवधिमा २ सय १ प्रहरी पुरस्कृत भएका छन् । जसमा १ डिएसपी, १२ इन्सपेक्टर, २१ सइ, १९ असइ, २९ हवल्दार १ सय ७ जवान र ३ कार्यालय सहयोगी छन् ।

एआइजी हरिबहादुर पालले महानगरीय प्रहरी कार्यालयको नेतृत्व सम्हालेको तीन महिनाको अवसरमा त्रैमासिक विवरण सार्वजनिक गरेका थिए ।