काठमाडौं । आज जनता समाजवादी पार्टी जसपा नेपालले संसदीय बैठक बोलाइएको छ ।

पार्टी स्रोतका अनुसार आजको बैठकले अध्यक्ष महन्थ ठाकुरलाई संसदीय दलको नेता चयन गर्ने तयारी भएको जनाएको छ ।

जसपा संसदीय दलको कार्यालय सिंहदरबारमा दिउँसो १ बजे बस्ने बैठक बस्दै छ ।

राजपा र समाजवादी पार्टी एकीकरण भएपछि बनेको जसपाले हालसम्म पनि संसदीय दलको नेता चयन गर्न नसकेको अवस्थामा आज बस्ने बैठकले नेता चयनको तयारी गरेको छ ।

बिहीबार संसदीय बैठकपछि जसपा प्रधानमन्त्री केपी शर्मा ओलीसँग बार्ता गर्न बालुवाटार जाने कार्यक्रम रहेको छ।

प्रधानमन्त्री निवास बालुवाटारमा अपराह्न चार बजे हुने वार्तामा जसपा सरकारमा जाने कि नजाने भन्ने विषयमा छलफल हुने स्रोतले बताएको छ ।

आजको वार्ता निर्णायक हुने नेताहरुले बताएका छन् । हिजो प्रधानमन्त्री केपी शर्मा ओलीको सहभागीतामा भएको छलफलमा शुक्रबार कार्यदलस्तरमा निर्णायक छलफल गर्ने भनिएको थियो ।