काठमाडौँ । मेयर कप एक दिवसीय क्रिकेट प्रतियोगितामा आज दुई खेल हुँदैछन् ।

कीर्तिपुरस्थित त्रिवि क्रिकेट मैदानमा बिहान पौने ९ बजे सशस्त्र प्रहरी बलको एपीएफ क्लब र वाग्मती प्रदेशबीच खेल हुँदैछ ।

अर्को खेल पनि बिहान पौने ९ बजे नै मूलपानी क्रिकेट मैदानमा नेपाल पुलिस क्लब र त्रिभुवन आर्मी क्लबबीच हुने नेपाल क्रिकेट संघ (क्यान)ले जनाएको छ ।

सोमबार एउटा मात्र खेल भएको थियो । सोमबार त्रिभुवन आर्मीले काठमाडौँ मेयर ११ लाई ५ विकेटले पराजित गरेको थियो ।