काठमाडौं । सर्वोच्च अदालतले नेकपाको एकता खारेज गरेपछि प्रचण्ड- माधव समूहले अब पूर्वपार्टी नेकपा एमाले र नेकपा माओवादी केन्द्रमै फर्किने निर्णय गरेको छ ।

सर्वोच्च अदालतको फैसलासँगै एमाले र माओवादी केन्द्र अलग अलग भएर जाने भएका हुन ।

एमालेले त जिल्ला जिल्लामा पार्टीको बोर्ड टाँगेर अलग अलग रुपमा जाने स्पष्ट संकेत आइतबारबाटै गरिसकेको छ । आजबाट माओवादी पनि अलग अलग जाने निर्णयमा पुगेको छ ।

पेरिसडाँडामा बसेको प्रचण्ड–माधव नेपालको स्थायी कमिटी बैठकले एमाले एमाले र माओवादी अलग अलग भएर जाने निष्कर्षमा पुगेको नेता झलनाथ खनालले जानकारी दिएका छन् ।

खनालले पार्टीभित्रै संघर्ष गर्ने र सर्वोच्चको आदेशमा पुनरावलोकन पनि सँगसँगै गर्ने बताएका छन् ।