काठमाडौं । सांग्रिला डेभलपमेण्ट बैंकले नारी दिवसको अवसरमा नारी बचत खाताको सुरुवात गरेको छ ।

१८ वर्षको उमेर नाघेका महिलाहरुलाई उच्च ब्याजदरका साथै बचत गर्न प्रोत्साहित गर्नको लागि यो सुविधा ल्याइएको बैंकद्धारा जारी विज्ञप्तिमा उल्लेख छ ।

बैंकका अनुसार नारी बचत खाता खोल्ने ग्राहकलाई वार्षिक ५ प्रतिशतका दरले मासिक रुपमा ब्याज भुक्तानी गरिने छ भने लकर शुल्कमा पहिलो वर्षको लागि ५० प्रतिशत छुटको व्यवस्था गरिएको छ ।

त्यसैगरी बैंकले पहिलो वर्षका लागि मोबाइल बैकिंग तथा भिजा डेबिट कार्ड सुविधा निःशुल्क गरेको जनाएको छ ।

देशभर सञ्चालित ९५ वटै शाखाबाट यो सुविधान लिन सकिने पनि बैंकले जनाएको छ ।