काठमाडौं । मेयर कप एकदिवसीय पुरुष क्रिकेट प्रतियोगितामा काठमाडौं मेयर-११ ले त्रिभुवन आर्मी क्लबलाई जितका लागि १ सय ५६ रनको लक्ष्य दिएको छ ।

क्रितिपुरस्थित टियु क्रिकेट मैदानमा टस हारेर पहिले ब्याटिङ गरेको काठमाडौंले ४२ ओभर १ बलमा अलआउट हुँदै १ सय ५५ रन बनायो ।

काठमाडौंका लागि सौरभ खनालले सर्वाधिक ४२ रन बनाए भने सन्दीप रजालीले ३७ रन जोड्दा खडक बोहराले १९ रन बनाए ।

त्यस्तै, हरिशंकर साह १८ रनमा आउट हुँदा कप्तान सन्दीप लामिछाने १३ रन जोड्दा आउट भए ।

आर्मीका शाहब आलमले ४ विकेट लिए ।

अबको केहीबेरमा आर्मी जवाफी ब्याटिङमा उत्रदै छ ।