काठमाडौँ। लेखक खगेन्द्र संग्रौलाले सरकार र विप्लव समूहबीच भएको सहमतिलाई लिएर विप्लवमाथि प्रश्न खडा गरेका छन्।

संग्रौलाले सरकारले नेत्रबिक्रम चन्द ‘विप्लव’ नेतृत्वको नेकपामाथि लगाएको प्रतिबन्ध फुकुवा गरेसँगै शान्तिपूर्ण राजनीतिमा आएको भन्ने विप्लवमाथि प्रश्न खडा गरेका हुन् ।

तीनबुँदे सहमतिलाई फासफुसे सहमतिको उपमा दिँदै उनले प्रधानमन्त्री केपी शर्मा ओलीका चरणमा शरण पर्न आउनु थियो भने बम पड्काएर आफ्नै कार्यकर्ता किन मराएको ? भन्दै प्रश्न गरेका छन् ।

अहिले विप्लवको हर बिजोग ! भएको भन्दै लेखक संग्रौलाले पहिल्यै ओली सरकारमा जागिर खाको भए वा ठेक्कापट्टा गरी धनार्जनमा लागेको भए भइहाल्थ्यो भनेका छन् ।

ओलीलाई राजाको उपमा दिँदै उनले विप्लवलाई प्रश्न गरे, ‘ओलीलाई आफ्ना कार्यकर्ता मार्ने बहाना किन बनाईदिएको ?’