काठमाडौं । छिमेकी मुलुक भारतमा फेरि कोरोना संक्रमित बढ्न थालेका छन् । भारतका महाराष्ट्र, केरल तथा पञ्जाबसमेत विभिन्न राज्यहरुमा कोरोना भाइरसका संक्रमितहरुको संख्या पुनः बढ्न थालेका हुन् ।

गत जनवरी १४ का दिन ३ सय ४० जना संक्रमित थपिएको नयाँ दिल्लीमा पछिल्लो २४ घण्टामा ३ सय १२ जना नयाँ संक्रमित थपिएका छन् भने ३ जना संक्रमितको निधन भएको छ ।

दिल्लीमा हालसम्म ज्यान गुमाउने संक्रमितको संख्या १० हजार ९ सय १८ पुगेको छ ।

महाराष्ट्रमा शुक्रबार मात्रै १० हजार भन्दा बढी संक्रमित थपिएका छन् भने ५३ जनाको निधन भएको छ ।

यो राज्यमा कोरोनाका कुल संक्रमितको संखया २१ लाख ८९ हजार ३ सय ९९ पुगेको छ भने निधन भएको संख्या ५२ हजार ३ सय ९३ पुगेको छ ।

गत जनवरी २३ पछि यो सबैभन्दा बढी संख्या हो । २३ जनवरीमा दिल्लीमा १८८० सक्रिय संक्रमित थिए ।

भारतमा कुल संक्रमितको संख्या १ करोड ११ लाख ७३ हजार ७ सय ६१ पुगेको छ भने १ लाख ५७ हजार ५ सय ४८ जनाको निधन भैसकेको छ ।