काठमाडौं । नेकपा विप्लव समूहका महासचिव नेत्रविक्रम चन्द ‘विप्लव’ले नेपालमा कोही पनि सुरक्षित नभएको बताएका छन् ।

शुक्रबार हस्ताक्षर कार्यक्रममा प्रधानमन्त्री केपी शर्मा ओलीसँगै एकै मञ्चमा देखिएका उनले नेपालमा अहिले कसैले पनि सुरक्षित अनुभूति गर्न सक्ने अवस्था नरहेको बताएका हुन् ।

‘नेपालमा कोही पनि सुरक्षित छैन । आज पनि उत्पीडित समुदाय खुसी छैन । हामीले जहाँ जहाँ असहमति भयो त्यहाँ हामीले राख्यौँ,’ उनले भने,‘हामीले विद्रोह गर्यौँ । हामी अगाडी बढेकै हौँ । सबै नेता र जनतालाई आफ्नै जीवनमाथि आफै हावी भएको र आफैले नेतृत्व गरिरहेको अवस्था छैन ।’

विप्लवले शहीदको सपना मर्न नदिने प्रतिबद्धता जनाउँदै सरकारसँगको सहमतिमा प्रतिबद्ध भएर लाग्ने बताए ।

कार्यक्रममा प्रधानमन्त्री ओली गृहमन्त्री राम बहादुर थापा, उपप्रधानमन्त्रीहरुको उपस्थिति रहेको थियो ।