काठमाडौं । शान्ति पूर्ण राजनीतिमा आउन तयार नेपाल कम्युनिष्ट पार्टी नेकपाका महासचिव नेत्रविक्रम चन्द ‘विप्लव’ प्रधानमन्त्री निवास बालुवाटारमा भेट गरेका छन् ।

सरकारले विप्लव नेतृत्वको पार्टीमाथि लगाएको प्रतिबन्ध फुकुवा सँगै सार्वजनिक भएका विप्लव आफ्ना नेता-कार्यकर्तालाई सामाखुसीमा भेटेर बालुवाटार पुगेका हुन् ।

शुक्रबार बिहान नवलपरासी पूर्वको देवचुलीमा सार्वजनिक भएर काठमाडौँ आएका विप्लवले नेताहरु खड्गबहादुर विश्वकर्मा ‘प्रकाण्ड’, धर्मेन्द्र बास्तोला ‘कञ्चन’ र उदयबहादुर चलाउने ‘दिपक’सँग आन्तरिक छलफल गरेका छन् ।

प्रधानमन्त्री केपी शर्मा ओलीसँग भेटघाट गरेपछि उनी सरकारसँग भएको सहमति पत्रमा हस्ताक्षर गर्ने समारोहमा सहभागी हुने छन् । समारोह केहीबेरमा राष्ट्रिय सभागृहमा हुँदैछ ।

समारोहलाई प्रधानमन्त्री ओली र विप्लवले सम्बोधन गर्ने छन् ।