काठमाडौं । सरकारसँगको तीन बुँदे सहमतिपछि काठमाडौँ आउँदै गरेका नेकपा महासचिव नेत्रविक्रम चन्द ‘विप्लव’ पहिले प्रधानमन्त्री निवास बालुवाटार जाने भएका छन् ।

प्रतिबन्ध फुकुवा भएसँगै विप्लव अहिले नवलपरासीबाट काठमाडौ आउने क्रममा छन् ।

प्रधानमन्त्रीका परराष्ट्र मामिला सल्लाहकार र सरकारी वार्ता टोलीका सदस्यसमेत रहेका राजन भट्टराईका अनुसार विप्लव बालुवाटारमा प्रधानमन्त्री केपी शर्मा ओलीसँगको कुराकानीपछि मात्रै राष्ट्रिय सभा गृहमा हुने समारोहमा सहभागी हुनेछन् ।

‘उहाँ अहिले काठमाडौँ आउदै हुनुहुन्छ । काठमाडौ आएपछि सोझै बालुवाटार आउनुहुन्छ । केहीबेर प्रधानमन्त्रीसँग छलफल गरेर राष्ट्रिय सभा गृह जानुहुनेछ’, भट्टराईले भने, ‘केही विषयमा कुराकानी गर्नुपर्ने भएकाले पहिला बालुवाटारमा भेटवार्ता राखिएको हो ।’

शुक्रबारै राष्ट्रिय सभागृहमा प्रधानमन्त्री ओली र विप्लवले एउटै मञ्चबाट सम्बोधन गर्दैछन् ।