काठमाडौं । प्रतिबन्धित नेत्रविक्रम चन्द ‘विप्लव’ समूहको नेकपा र सरकारबीच ३ बुँदे सहमति भएको छ ।

सरकारले हिंसा छाडेर वार्तामा आउन गरेको आग्रहलाई स्वीकार गरेको विप्लव समूहसँग आज ३ बुँदे सहमति भएको हो ।

सहमतिसँगै अब यो समूहले हिंसा छोड्ने भएको हो ।

सरकारले यो समूहमाथिको प्रतिबन्ध समेत हटाउने भएको सरकारी वार्ता टोलीका सदस्य राजन भट्टराईले जानकारी दिए ।

वार्ताका लागि सरकारले गृहमन्त्री रामबहादुर थापा बादलको संयोजकत्वमा र विप्लव समूहले पार्टी प्रवक्ता खड्गबहादुर विश्वकर्मा ‘प्रकाण्ड’ को नेतृत्वमा वार्ता टोली गठन गरेको थियो ।

हिजो दुई पटक वर्ता भएको थियो भने आज भएको वार्तामा सहमति भएको हो ।