काठमाडौँ । सरकारी टोली र नेत्रविक्रम चन्द विप्लव नेतृत्वको नेकपाबीच आज चौथो चरणको वार्ता हुने भएको छ।

बुधबार पुल्चोकस्थित गृहमन्त्री रामबहादुर थापाको आवासमा वार्ता भएको थियो ।

तेस्रो पटकको वार्ता सकारात्मक रहेको र आज पनि वार्ता जारी रहने सरकारी टोलीका एक सदस्यले बताए ।

यसअघि दुई चरणको वार्ता प्रधानमन्त्रीको सरकारी निवास वालुवाटारमा भएको थियो । दुवै पक्ष सहमती नजिक पुगेको सरकारी टोलीले दाबी गरेको छ ।

बुधबार बिहानदेखि गृहमन्त्री थापा र राजन भट्टराई तथा विप्लव समूहका खड्गबहादुर विश्वकर्मा र दीपक चलाउनेबीच वार्ता भएको थियो । बालुवाटारमा भएको वार्तामा सरकार विप्लव समूहका नेता तथा कार्यकर्ता रिहा गर्न सहमत भएको थियो।

आजको वार्ता निर्णायक हुने बताइएको छ ।