काठमाडौँ । सरकार र नेत्रविक्रम चन्द ‘विप्लव’ नेतृत्वको समूहबीच वार्ता भएको छ ।

मंगलबार औपचारिक रूपमा वार्ता टोली गठन गरेको दुवै समूहले आजबिहानै वार्तामा बसेका हुन् ।

बुधबार बिहान प्रधानमन्त्री निवास बालुवाटारमा बसेको वैठकमा दुवै समूहले आफ्ना सर्तहरु राखेको स्रोतले जनाएको छ ।

वार्तामा सरकारका तर्फबाट गृहमन्त्री रामबहादुर थापा ‘बादल’ र प्रधानमन्त्री केपी शर्मा ओलीका परराष्ट्र मामिला सल्लाहकार राजन भट्टराई तथा चन्द समूहका तर्फबाट खड्गबहादुर विश्वकर्मा र उदय चलाउने सहभागी भएका छन् ।

सरकारले हिजोमात्र गृहमन्त्रीको संयोजकत्वमा वार्ता समिति बनाएपछि विप्लवले पनि प्रकाण्डको संयोजकत्वमा वार्ता समिति घोषणा गरेका थिए । सोपछि वार्ता टोली मंगलबार नै काठमाडौँ आइपुगेको थियो ।

दुई समूहबीच भएको वार्ताको  विस्तृत विवरण आइसकेको छैन ।