काठमाडौँ । महानगरीय प्रहरी प्रशासन महाराजगन्जले वैदेशिक रोजगार ठगी मुद्दामा फरार रहेका एक व्यक्तिलाई पक्राउ गरेको छ।

प्रहरी उपरीक्षक गंगा पन्तका अनुसार आइतबार काठमाडौंको बागबजारमा लुकीछिपी बसिरहेको अवस्थामा फरार रहेका गुरुदत्त पौडेललाई पक्राउ गरिएको हो ।

पौडेल रिलायवल एच.आर. सोलुसन प्रा.लि.का संचालक समेत रहेका थिए ।

पीडित भोला प्रसाद सेढाईले दिएको जाहेरीको आधारमा उनलाई पक्राउ गरिएको प्रहरी प्रशासनले जनाएको छ ।

पौडेलले सिंगापुरमा आकर्षक रोजगारीको प्रलोभन देखाई पीडित सेढाईलाई चार लाख पचास हजार लिई दुबई पठाई ठगी गरेका थिए ।

फरार रहेका पौडेललाई यसअघि अदालतले १ बर्ष ६ महिना कैद र पच्चीस् हजार रुपैयाँ जरिवाना हुने ठहर गर्दै फैसला गरेको थियो ।

पक्राउ परेका उनलाई आजै अदालत उपस्थिति गराइने प्रहरीले जनाएको छ।