काठमाडौं । पछिल्लो समय उद्घाटन र शिलान्यास गर्ने कार्यमा व्यस्त रहेका प्रधानमन्त्री केपी शर्मा ओली आज पोखरा पुगेका छन् ।

आइतबार विभिन्न कार्यक्रममा गृहजिल्ला झापा पुगेका प्रधानमन्त्री आज सोमबार पोखरा पुगेका हुन् ।

गण्डकी प्रदेश प्रतिष्ठान भवनको शिलान्यास गर्न उनी पोखरा पुगेको स्रोतले बताएको छ ।

त्यस्तै, पोखरामा प्रधानमन्त्री ओलीले प्रदेशस्तरीय कार्यकर्ता भेलालाई सम्बोधन गर्ने कार्यक्रम समेत रहेको छ।

पोखरामा रहँदा उनले निर्माणाधीन पोखरा रंगशालाको निरीक्षण गर्ने कार्यतालिकासमेत रहेको छ ।