काठमाडौँ। साताको पहिलो दिन स्थानीय बजारमा आज सुनको मूल्य रु ५०० ले ओरालो लागेको छ । अघिल्लो साता पनि ओरालो लागेको सुनको मूल्य तोलामा रु ५०० ले घटेको हो ।

नेपाल सुनचाँदी व्यवसायी महासङ्घका अनुसार आइतबार छापावाल सुन प्रतितोला रु ८८ हजार ३०० र तेजाबी सुन तोलामा रु ८७ हजार ८५० मा कारोबार हुने गरी मूल्य निर्धारण भएको छ ।
यस्तै, चाँदीको मूल्य तोलामा रु १० ले घटेको छ । आइतबार चाँदीको मूल्य रु एक हजार ३२५ मा कारोवार हुने गरी मूल्य निर्धारण भएको महासंघले जनाएको छ ।