काठमाडौं ।  नेपाली कांग्रेसका सभापति  शेरबहादुर देउवाले प्रतिनिधिसभा विघटनविरुद्ध सोमबार हुने प्रदर्शनमा सहभागी हुन अपील गरेका छन्।

आइतबार पार्टी सभापति शेरबहादुर देउवाले विज्ञप्ति सार्वजनिक गर्दै फागुन ३ गतेको प्रदर्शनमा व्यापक सहभागी भएर प्रतिनिधिसभा विघटनविरुद्ध ऐक्यवद्धता प्रकट गर्न अपील गरेका हुन् ।

देउवाले विज्ञप्ति सार्वजनिक गर्दै भनेका छन्, ‘केपी ओलीको नेतृत्वमा रहेकोे नेपाल कम्युनिस्ट पार्टीको सरकारको सिफारिसमा प्रतिनिधिसभा विघटन गरिएको घटनाविरुद्ध नेपाली कांग्रेसले भोलि फागुन ३ गते सोमबार देशका ७७ वटै जिल्ला कार्यसमितिको नेतृत्वमा आयोजना गरेको विरोध प्रदर्शनमा सहभागी हुन म सबैमा हार्दिक अपील गर्दछु।’

देउवाले प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन म सबैमा हार्दिक अपील गरेका छन् ।

देउवाले संसद विघटनलाई संविधानमा भएको व्यवस्था प्रतिकुल, जनभावना विपरितको कार्य भन्दै आन्दोलनमा सहभागी हुन सबै लोकतन्त्रवादीलाई अपील गरेका हुन् ।