काठमाडौं । पछिल्लो २४ घण्टामा नेपालमा थप ५७ जनामा कोरोना भाइरस (कोभिड–१९) पुष्टि भएको छ ।

स्वास्थ्य तथा जनसंख्या मन्त्रालयका अनुसार शनिबार थपिएका नयाँ संक्रमितसँगै नेपालमा कोरोना संक्रमितको संख्या २ लाख ७२ हजार ६ सय १४ पुगेको छ ।

त्यस्तै, २४ घण्टामा १ सय ३३ जना संक्रमित निको भएर घर फर्किएका छन् । हालसम्म नेपालमा २ लाख ६८ हजार ९ सय २९ जना संक्रमणमुक्त भएका छन् ।

मन्त्रालयका अनुसार हालसम्म २१ लाख १३ हजार ५ सय ४९ पीसीआर परीक्षण भएका छन् ।

देशभर सक्रिय संक्रमितको संख्या १६ सय ३१ जना रहेको पनि मन्त्रालयले जनाएको छ ।