काठमाडौं । केपी शर्मा ओलीसँग छुट्टिएको प्रचण्ड–माधव समूहको नेपाल कम्युनिष्ट पार्टी (नेकपा)ले फागुन १ गते देशभर जनयुद्ध दिवस मनाउने भएको छ।

प्रचण्ड–माधव समूहले आज जनयुद्ध दिवस मनाउन केन्द्रीय कार्यालयबाट सबै जिल्लामा सर्कुलेसन गरेको हो ।

तर, केपी शर्मा ओली समूहले भने कुनै पनि कार्यक्रम गर्ने औपाचारिक जानकारी गराएको छैन ।

केन्द्रीय कार्यालयका सचिव श्रीराम ढकालका अनुसार सहिद स्मृति तथा सम्मान कर्यक्रमको ब्यानरमा आफ्नो अनुकूलतामा सबै जिल्लालाई जनयुद्ध दिवस मनाउन भनिएको छ ।

ढकालले पार्टी केन्द्रीय कार्यालय पेरिसडाँडामा पनि केन्द्रको तर्फबाट कार्यक्रम आयोजना गरिएको बताए्का छन् ।

तत्कालीन नेकपा माओवादीले २०५२ फागुन १ गतेबाट सशस्त्र द्वन्द्व शुरु गरेको दिनको सम्झनामा जनयुद्ध दिवस मनाइन्छ।