काठमाडौं । नेपालमा पछिल्लो २४ घण्टामा ९९ जनामा संक्रमण पुष्टि भएको छ ।

योसँगै देशभर कोरोना संक्रमतिको कुल संख्या दुई लाख ७१ हजार ८ सय ६ पुगेको छ ।

यस्तै, पछिल्लो २४ घण्टामा २४८ जना निको भएका छन् । योसँगै नेपालमा कोरोनामुक्त हुनेको संख्या दुई लाख ६७ हजार ८ सय १२ पुगेको छ ।

स्वास्थ्य तथा जनसंख्या मन्त्रालयले हालसम्म देशभर एक हजार ९५९ जना आइसोलेसनमा र ९५ जना क्वारेन्टिनमा रहेका जनाएको छ ।

नेपालमा पछिल्लो २४ घण्टामा कोरोना संक्रमणका कारण कसैको पनि मृत्यु पुष्टि भएको छैन ।

कोरोना संक्रमण उच्च विन्दुमा पुगेयता मृत्यु शून्य भएको यो तेस्रोपटक हो ।

कोरोनाका कारण देशभर हालसम्म दुई हजार ३५ जनाको मृत्यु भइसकेको छ ।