काठमाडौं । पछिल्लो २४ घण्टामा देशभर थप १ सय ९ जनामा कोरोना संक्रमण पुष्टि भएको छ भने ३ सय ५० संक्रमित निको भएका छन्।

स्वास्थ्य तथा जनसंख्या मन्त्रालयले सार्वजनिक गरेको विवरण अनुसार कूल संक्रमितको संख्या २ लाख ७० हजार ८५४ पुगेको छ।

कूल संक्रमितमध्ये २ लाख ६६ हजार ४८ जना निको भइसकेका मन्त्रालयले जनाएको छ।

देशभर सक्रिय संक्रमितको संख्या २ हजार ७७९ रहेको मन्त्रालयले जनाएको छ।

कोरोनाका कारण थप २ जनाको मृत्यु भएको पनि मन्त्रालयले जनाएको छ। यससँगै मृत्यु हुनेको कूल संख्या २ हजार २७ पुगेको मन्त्रालयले जनाएको छ।