काठमाडौं । प्रधानमन्त्री कप पुरुष राष्ट्रिय क्रिकेट प्रतियोगितामा विभागीय टोली एपीएफ कर्णाली प्रदेशलाई ७१ रनले पराजित गर्दै सेमिफाइनलमा प्रवेश गरेको छ ।

समूह ए अन्तर्गत शनिबार भएको खेलमा एपीएफ समूहको अन्तिम खेल अघि नै सेमिफाइनल पुगेको हो ।

लगातार तीन खेल जित्दै त्रिभुवन आर्मी यसअघि नै सेमिफाइनल पुगिसकेको छ ।

आर्मी र एपीएफको समान ६ अंक छ, तर रनेटका आधारमा एपीएफ शीर्ष स्थानमा उक्लिएको छ ।

पराजित कर्णाली भने समूह चरणबाटै बाहिरिएको छ । यसअघि नै प्रदेश १ र गण्डकी प्रदेश यस समूहबाट बाहिरिसकेका छन् । तीनवटै टिमले समूहमा समान १ खेल जित्दा ३ खेल हारेका थिए ।

अब आर्मी र एपीएफबीच सोमबार हुने खेलबाट समूह ए को विजेता र उपविजेता टुङ्गो लाग्नेछ ।