काठमाडौं। नेपाली कांग्रेसका महामन्त्री डा. शशांक कोईरालाले बैशाखमा चुनाव नहुने दाबी गरेका छन्।

शनिबार महेन्द्रनगरमा प्रेस यूनियन कञ्चनपुरद्वारा आयोजित पत्रकार सम्मेलनमा बोल्दै कांग्रेस महामन्त्री कोईरालाले कांग्रेस पुर्नस्थापनाकै पक्षमा रहेको वताए ।

महामन्त्री कोईरालाले भने, ‘अहिले पनि नेकपा पार्टी कानुनी रुपमा फुटेको छैन। निर्वाचन आयोगले सुर्य चुनाव चिन्ह कसलाई आधिकारिक दिन्छ, नपाउने समुहले विरोध र अदालत जान्छ, यहि कारण पनि बैशाखमा चुनाव हुँदैन ।’

प्रधानमन्त्री ओलीले संसद विघटन गरेर लोकतन्त्र र संविधानमाथि नै कुठाराघात गरेको उनको भनाइ थियो ।

ओलीले  कोरोना कहरबाट थलिएको अर्थतन्त्रमाथि उकास्नका लागि कुनै योजना अघि नसारेको बताए ।