चितवन। संसद विघटनको विरुद्धमा भोली काठमाडौँमा हुने विरोधसभाको पूर्वसन्ध्यामा नेकपा प्रचण्ड- माधव पक्षले चितवनमा गरेको मसाल जुलुसमा प्रहरीले हस्तक्षेप गरेको छ ।

प्रहरीको लाठी प्रहारबाट १३ जना भन्दा बढी घाइते भएका छन् ।

प्रहरीको लाठी प्रहारबाट  रुकु बस्नेत, सुसन पौडेल, अंकित दवाडी, राजु भुसाल, अविरल पोखरेल, निर्मल दवाडी, सन्देश अधिकारी, सागर पुरी, अविनाश रम्तेल, नीरज सापकोटा, मनोज नहर्की, रोहित सुवेदी र वीरेन्द्र खरेल घाइते भएका छन् ।

साथै युवा नेताहरु  भानु न्यौपाने र विशाल कडेँललाई प्रहरीले गिरफ्तार गरेको नेकपा चितवनले जनाएको छ ।

नेकपा चितवनले प्रहरीले गरेको हस्तक्षेपप्रति विरोध जनाएका छन् । शान्तिपूर्ण आन्दोलन गर्न पाउने संविधान प्रदत्त अधिकार रहेको भन्दै गिरफ्तारी र धरपकड गरेकोमा विरोध जनाएको हो ।

जिल्ला अध्यक्ष याम बहादुर परियार र सचिव कृष्ण भक्तपोखरेलको संयुक्त हस्ताक्षरीत विज्ञप्तीमा प्रधानमन्त्री केपी शर्माओलीको प्रत्यक्ष निर्देशनमा यूवाहरुको गिरफ्तारी र धरपकड गरिएको आरोप लगाएको छ । गिरफ्तारीमा परेका आफ्ना यूवा नेताहरुलाई विना शर्त रिहा गर्न माग गरिएको छ ।