काठमाडौं । नेपाल कम्युनिस्ट पार्टी (नेकपा) प्रचण्ड–नेपाल समूहको स्थायी कमिटी बैठकमा प्रतिनिधिसभा विघटनविरुद्धको संघर्षका कार्यक्रमलाई अझै प्रभावकारी बनाउने भन्ने विषयमा छलफल भएको छ ।

प्रचण्ड–नेपाल समूहका एक स्थायी कमिटी सदस्यका अनुसार आजको बैठमा आन्दोलनको विषयमा छलफल भएपनि निर्णय भएको छैन ।

उनले भने बैठकमा आन्दोलनलाई अझै कसरी प्रभावकारी बनाउने भन्ने विषयमा केन्द्रित रहेर छलफल भयो तर कुनै निर्णय भएको छैन ।

बैठक भोलि बिहान ११ बजे पुन बस्नेछ । पुष्पकमल दाहाल प्रचण्ड र माधवकुमार नेपाल अध्यक्ष रहेको नेकपाले प्रतिनिधिसभा विघटनविरुद्ध आन्दोलन गर्दै आइरहेको छ ।

सरकारको सिफारिसमा राष्ट्रपति विद्यादेवी भण्डारीले पुस ५ गते संसद विघटन गरेकी थिइन् ।