ओलीको राष्ट्रभक्तिलाई कालापत्थरमा पुगेर बदला लिए भारतीय पत्रकारले, यसरी दाबी गरे सगरमाथा

ओलीको राष्ट्रभक्तिलाई कालापत्थरमा पुगेर बदला लिए भारतीय पत्रकारले, यसरी दाबी गरे सगरमाथा

अनलाइन नेपाल
  • बुधबार, पुष २९ २०७७

  • 1.5K
    SHARES

  • ओलीको राष्ट्रभक्तिलाई कालापत्थरमा पुगेर बदला लिए भारतीय पत्रकारले, यसरी दाबी गरे सगरमाथा

    काठमाडौं। प्रधानमन्त्री केपी शर्मा ओलीले भारतीय पत्रकार सुधिर चौधरीलाई बालुवाटारमा बोलाएर सोमबार अन्तर्वाता दिएपछि उनको राष्ट्रभक्तीको बारेमा सामाजिक सन्जालदेखी सबैतिर हाइहाइ भयो ।

    नेपाल र नेपालीलाई सधैं होच्याउने भारतीय पत्रकार सुधिर चौधरीलाई ओलीले पाठ सिकाएको भन्दै हाइहाइ भएको थियो।

    ओलीले  भारतीय न्यूज च्यानल जी न्यूजका प्रधान सम्पादक चौधरीको टोलीलाई बालुवाटारमा  स्वागत गरेका थिए ।

    तर, हिजो मात्र  जी चौधरीले विश्वको सर्वोच्च शिखर सगरमाथामा भारतको पनि हुनुपर्ने दाबी गरेर समाचार प्रशारण गरेर नेपाललाई ठाडो चुनौती दिएका छन्।

    चौधरीले  सगरमाथालाई भारतीय नाम दिने अभियान नै थालेका छन् ।

    जी न्यूजको टोलीले सगरमाथा दाबी प्रस्तुत गर्न सगरमाथा क्षेत्रमै पुग्यो । सगरमाथा क्षेत्रको कालापत्थरमा उभिएर, सगरमाथालाई पृष्ठभूमिमा राखेर जी न्यूजका प्रधान सम्पादक सुधिर चौधरीले भने, ‘आज यो ठाउँबाट तपाईंहरूलाई म केही बताउन चाहन्छु । म भन्न चाहन्छु कि माउन्ट एभरेस्टमाथि भारतको पनि दाबी हुनुपर्छ ।’

    उनले भारतसँग सगरमाथाको साइने भएको पनि दाबी गरे । भारतसँग माउन्ट एभरेस्टको के साइनो छ ?  वर्ष १८५२ मा राधानाथ सिकदरले पहिलोपटक माउन्ट एभरेस्टको उचाइ मापन गरेका थिए । सर्भे अफ इन्डियाले उनलाई यो जिम्मेवारी दिएको थियो । उनलाई आदेश थियो– तपाईं जानुहोस् र माउन्ट एभरेस्टको उचाइ नापेर आउनुहोस् । ’भन्दै उनले माउन्ट एभरेस्ट भारतले दाबी गर्नुपर्ने कुतर्क पेश गरे।

    चौधरीले थप कुतर्क दिँदै भने  , ‘राधानाथ सिकदर बंगालका प्रख्यात गणितज्ञ थिए । उनले माउन्ट एभरेस्टको उचाइ नापे । माउन्ट एभरेस्टको उचाइ नाप्ने उनी नै पहिलो व्यक्ति थिए । भारतमा त्यसवेला अंग्रेजको शासन थियो, त्यसैले उनीहरूले आफ्नो हिसाबले नाम राखिदिए । एन्ड्रयु वा जो जर्ज एभरेस्टका उत्तराधिकारीको रूपमा सर्भे अफ इन्डियाको प्रमुख थिए । उनले यो शिखरको नाम माउन्ट एभरेस्ट राखिदिए ।

    हामी भन्न चाहन्छौँ कि यो शिखरको नाम राधानाथ सिकदरको नामबाट राखिएको हुनुपर्दथ्यो । आज हामी भन्न चाहन्छौँ, यो शिखरको नाम राधानाथ सिकदरको नामबाटै हुनुपर्छ । भारतले यसका लागि अभियान चलाउनुपर्छ, भारतका जनताले पनि अभियान चलाउनुपर्छ । हामीले पनि माउन्ट एभरेस्टमाथि आफ्नो दाबी पेस गर्नुपर्छ, पूरै दुनियाँका सामुन्ने । ’

    चौधरीले आफ्नो यो यात्राले माउन्ट एभरेष्टको सही अर्थ र महत्व बुझाउने कुरामा आफू आशावादी भएको दाबी गरे । भारतीत गुप्तचर संस्था ‘रअ’ प्रमुख प्रमुख सामन्त गोयललाई नेपाल ल्याएको टोलीले नै चौधरीलाई बालुवाटार पुर्याइ प्रधानमन्त्री ओलीसँग अन्तरवार्ता मिलाईदिएको स्रोतको भनाइ छ ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार